O Concello de Guntín organiza a I Milla Urbana Concello de Guntín-Cto Provincial absoluto de Milla e Cto Galicia de 1km ruta de menores. A proba organizarase o vindeiro Domingo 25 de agosto de 2019, con saída e meta na Travesía Meixaboi. A proba estará aberta a todos os atletas, federados ou non, sen distinción de sexo ou nacionalidade.
Inscricións: Ata o xoves día 22 de agosto ás 23:59 horas.
A inscrición para o Campionato de Galicia de 1km en ruta para as categorías Sub 10, Sub 12, Sub 14 e Sub 16, será a través do ligazón da RFEA
(Aquí) e terán que ser os clubs os que inscriban no campionato aos seus atletas. Máis información na
Circular 87-2019 do Campionato de Galicia de 1Km.
Máis información do Campionato Provincial Absoluto
(Aquí)
As inscricións nos Campionatos serán gratuítas, pero o/a atleta que non se inscriba na proba popular do Concello de Guntín a través de carreirasgalegas.com, perderá a opción a recibir calquera tipo de premio ou trofeo das carreiras populares.
Retirada de Dorsais: Os dorsais retiraranse o día da proba na zona habilitada na Rúa Meixaboi ata 45’ antes da saída de cada proba.
Servizos para os participantes:
1. Aparcadoiro gratuíto (ata ocupación das prazas existentes).
2. Vestiarios, baños e duchas no campo de fútbol a escasos metros do circuito.
3. Recollida de dorsais, imperdíbeis e chips.
4. Avituallamento ao final de cada carreira para todos os participantes.
5. Ambulancia (todos os accidentes acontecidos deberán ser previamente informados ao organizador da proba e o traslado do ferido, se fose necesario, será para os centros sanitarios que teñan convenio ca compañía de seguros que corresponda).
Premios:
- Medalla da FGA para os tres primeiros clasificados masculinos e femininos das probas do Cto de Galicia de menores.
- Trofeo aos tres primeiros clasificados masculinos e femininos da carreira absoluta referida ao Cto Provincial.
- Trofeo aos tres primeiros clasificados de cada categoría tanto masculinos como femininos da proba popular.
- Na categoría de PITUFOS darase medalla a todos os participantes. Non haberá trofeos para esta categoría nin se farán clasificacións.
- Nas categorías de menores darase medalla a todos os participantes, así como trofeo aos tres primeiros clasificados tanto masculinos como femininos.
- A entrega de premios será aproximadamente, ás 12.45h.