sábado 01 decembro 2018

O CORRESAN BAIXA O PANO CON MARCA DE PARTICIPACIÓN (Fonte: www.lavozdegalicia.es)

Esta tarde celébrase a última das catro probas do circuíto de carreiras saudables CorreSan, que completa a súa sétima edición, a máis concorrida da sete que se celebraron ata a data. Sumadas as catro citas, o número de participantes aproxímase aos catro milleiros. E é na categoría de adultos onde máis creceu a inscrición.

As bases da competición establecen que para optar á clasificación xeral final hai que completar un mínimo de tres carreiras e, en caso de facer as catro, refúgase o peor resultado. En categoría de adultos Nuno Costa (suma dúas vitorias e un segundo posto) é virtual gañador do cadro masculino, e Esther Rodríguez pode atar o primeiro posto esta tarde.

No entanto, son moitos os postos que quedan aínda por decidir para completar o podio en todas as categorías.

Os primeiros en tomar a saída serán os escolares 1, ás 16.45, para completar un quilómetro; ás 17 partirán os escolares dous (dous quilómetros); e ás 17.20 os adultos (4,8 quilómetros). En todos os casos hai tramos que discorren por zonas empedradas. No caso de que chova, a organización recomenda aos participantes que extremen as precaucións para minimizar o risco de caídas por esvaróns.

O trazado, aínda que é o máis curto dos catro, nace coa etiqueta de esixente, con algunhas zonas con pendentes que poden marcar diferenzas.

Por outra banda, está xa en marcha a organización da San Silvestre que despedir o ano na Alameda e as inmediacións da cidade nobre. É unha proba que goza cada vez de máis seguidores e que espera superar o próximo 31 de decembro os dous mil inscritos.

Fonte: www.lavozdegalicia.es