mércores 22 agosto 2018

VIMIANZO SERÁ SEDE DO CAMPIONATO DE GALICIA DE 5 QUILÓMETROS EN RUTA (Fonte: www.lavozdegalicia.es)

O próximo día 2 de setembro, Vimianzo acollerá a partir das 10.00 horas o campionato de Galicia de 5 quilómetros en ruta. Ademais, tamén se celebrará de xeito simultáneo a carreira popular do Concello coas categorías pitufo, benxamín, alevín, infantil, cadete, xuvenil, sénior e veterano. En ambas as tratarase de percorridos homologados e haberá clasificacións.

Para inscribirse na proba popular, que é gratuíta, os interesados deben facelo na páxina web www.carreirasgalegas.com ata o vindeiro luns ás 23.59 horas. Polo momento hai 34 deportistas anotados. Para participar na da Federación Galega de Atletismo, en cambio, é necesario ser atleta con licenza en vigor, e deberá ser o club o que realice a inscrición dos seus integrantes en www.rfea.es. Estes últimos tamén poderán correr a proba popular.


Fonte: www.lavozdegalicia.es